मुंबई – डिसेंबर महिन्यात ३ ते ४ दिवस राज्यातील अनेक जिल्ह्यांमध्ये जोरदार. पावसाने हजेरी लावली होती यंदा राज्यात सर्वत्र पावसाने दमदार हजेरी लावली होती, तर २७ डिसेंबर रोजी राज्यातील अनेक जिल्ह्यांमध्ये अवकाळी पावसासह गारपिटी (Hail) पडल्या. तर पुन्हा एकदा राज्यात पाऊस पडणार, अशी माहिती हवामान (Weather) विभागाने दिली आहे.
अरबी समुद्र आणि बंगालच्या उपसागरातून मध्य भारताच्या दिशेने आद्रतायुक्त वाऱ्यांचे मिलन होत आहे. त्यामुळे पुढील चार दिवस दिवस मराठवाडा, विदर्भात पावसासह गारपीटीचा इशारा भारतीय हवामान विभागाने दिला आहे. मध्य भारतात अनेक ठिकाणी जोरदार पाऊस तसेच गारपीट होण्याची शक्यता हवामान विभागाने वर्तविली आहे. मराठवाड्यात बीड, परभणी, हिंगोली, नांदेड या जिल्ह्यात आजपासून पुढील तीन दिवस अवकाळी पावसासह गारपिटीची शक्यता आहे.
उत्तरेकडील वेस्टर्न डिस्टरबन्सच्या प्रभावामुळे उत्तर भारतात पुढील २४ तासांत पावसामध्ये वाढ होण्याची शक्यता असून मध्य भारतात १० ते १२ जानेवारी दरम्यान विजांच्या कडगडाटासह पावसाची शक्यता आहे. राज्यात शनिवारी अनेक ठिकाणी पाऊस पडला आहे. त्यामुळे विदर्भात बर्‍याच ठिकाणी किमान तापमानात लक्षणीय वाढ झाली आहे.
दरम्यान, मराठवाडा, विदर्भातील शेतकऱ्यांसह नागरिकांना काळजी घेण्याचे आवाहन हवामान विभागाने केले आहे. मराठवाडा व मध्य महाराष्ट्रात बहुतांश ठिकाणी तर कोकण, गोव्यात तुरळक ठिकाणी किमान तापमानात किंचित वाढ झाली आहे. राज्यात सर्वात कमी किमान तापमान महाबळेश्वर येथे १२.७ अंश सेल्सिअस नोंदविले गेले आहे.
महत्वाच्या बातम्या –
- राज्यातील ‘या’ जिल्ह्यांमध्ये आज अवकाळी पावसासह गारपिटीची शक्यता; हवामान खात्याचा अंदाज
- राज्यात पुन्हा एकदा कडक निर्बंध; जाणून घ्या नवी नियमावली
- राज्यातील ‘या’ भागांमध्ये अवकाळी पाऊस; ज्वारी, हरभरा, मका, गहू पिकांचे मोठे नुकसान
- काळजी घ्या! देशात गेल्या २४ तासात 1 लाख 59 हजार 632 कोरोनाबाधितांची नोंद
- महाराष्ट्राचा ‘ई-पीक पाहणी’ प्रकल्प राजस्थान सरकारकडून स्वीकार
- जिल्हा वार्षिक योजना 2022-23 च्या 512 कोटी 4 लाख 72 हजार रुपयांच्या प्रारुप आराखड्यास मान्यता