मराठवाड्यात काल दिवसभरात ६५४ कोरोनाबाधित रुग्णांची नोंद

कोरोना

औरंगाबाद – मराठवाड्यात गुरुवारी दिवसभरात ६५४ कोरोनाबाधित रुग्णांची नोंद करण्यात आली आहे. यामध्ये औरंगाबादेतील सर्वाधिक २७५ रुग्णांचा समावेश आहे. त्यापाठोपाठ जालना ८५, लातूर ८०, नांदेड ७०, बीड ५३, परभणी ४१, हिंगोली २४ आणि उस्मानाबाद जिल्ह्यातील २६ रुग्णांचा समावेश आहे.

औरंगाबादमध्ये गुरुवारी एकाच दिवसात २७५ जणांचे अहवाल पॉझिटिव्ह आले, तर ७२ जणांना यशस्वी उपचारानंतर सुटी देण्यात आली. जिल्ह्यातील एकूण रुग्णसंख्या ४९ हजार ५६६ वर पोचली असून यातील ४६ हजार ७९३ रुग्णांनी आतापर्यंत कोरोनावर मात केली आहे, तर १ हजार २६२ जणांचा मृत्यू झाला आहे. जिल्ह्यात सध्या १ हजार ५११ रुग्णांवर उपचार सुरू आहेत, अशी माहिती जिल्हा प्रशासनाने दिली आहे.

उपचारादरम्यान १० जणांचा मृत्यू
मराठवाड्यात गुरुवारी उपचारादरम्यान 10 कोरोनाबाधितांचा मृत्यू झाला. यामध्ये औरंगाबादमधील चार, जालन्यात दोन, लातूर, हिंगोली, परभणी, बीडमध्ये प्रत्येकी एकाचा समावेश आहे.

महत्वाच्या बातम्या –