सोशल मीडियावरून कधी कुणाचं पोट भरलंय का? फेसबुक आणि गुगल कितीही वापरलं, तरी खायला अखेर शेतकऱ्याने पिकवलेलंच अन्न लागतं. लॉकडाऊनच्या भीषण संकटात या वास्तवाची जाणीव संपूर्ण देशाला झाली.
याच कठीण काळात नाशिकच्या सिन्नर तालुक्यातील एका शेतकऱ्याने भन्नाट रेकॉर्ड केलाय. नांदूर शिंगोटे येथील विनायक हेमाडे यांनी चक्क कोथिंबिरीच्या शेतीतून लाखोंची कमाई करत सर्वांनाच आश्चर्याचा धक्का दिलाय.
Kothimbir Farming: सव्वा महिन्यात लाखोंचा नफा
विनायक यांनी आपल्या चार एकर शेतात फक्त ४५ किलो कोथिंबिरीचं बियाणं पेरलं होतं. अचूक नियोजन. अफाट कष्ट. याच्या जोरावर अवघ्या सव्वा महिन्यात हे पीक डौलात उभं राहिलं.
त्यांनी हा संपूर्ण माल दापूरचे व्यापारी शिवाजी दराडे यांना विकला. विशेष म्हणजे, हा सौदा तब्बल १२ लाख ५१ हजार रुपयांना ठरला. अवास्तव मोबदल्याची कुठलीही अपेक्षा नसताना, त्यांना हा घसघशीत नफा मिळाला आहे.
थोडक्यात सांगायचं तर, अगदी माफक खर्चात मिळालेल्या या यशामुळे त्यांच्या आनंदाला उधाण आलंय. सध्या सोशल मीडियावर त्यांच्या समाधानी चेहऱ्याचा फोटो तुफान व्हायरल होत असून, त्यांच्या या प्रयोगाने संपूर्ण महाराष्ट्राचं लक्ष वेधून घेतलंय.
